Suomi.fi fállá dieđu maid sode-bálvalusain

23.10.2017


Ođasnuvvan Suomi.fi-fierbmebálvalussii (suomagillii) čohkkejuvvojit bárrásiin dieđut almmolaš bálvalusain ja áššiid dikšunkánálain miehtá Suoma. Almmolaš bálvalusaid sáhttet buvttadit earret eará stáhta virgedoaimmahagat, lágádusat, stáhtafitnodagat dehe stáhta fitnodatlágádusat. Suomi.fi bálvala riikkavuložiid, fitnodagaid go eiseválddiid.

Suomi.fi oassái álbmotlaš bálvalandiehtofuorkái (BDF) bohtet maid dieđut sosiála- ja dearvvašvuohtasuorggi bálvalusain. Guhtege organisašuvdna buvttada ieš govvádusaid, nappo maid ja makkár bálvalusaid dat fállá sode-áššehasaideaset. Álbmotlaš bálvalandiehtofuorkkás (BDF) geavaheaddji sáhttá ovtta čujuhusas ohcat dieđuid bálvalusain, maid son jur dalle dárbbaša. Son sáhttá maid oažžut oahpisteami, mot atná iežas válljen bálvalusaid. Fierbmesiidduin leat bálvalančuoggáid fitnančujuhusat, fierbmesiidduid ja elektrovnnalaš skoviid liŋkkat sihke čujuhusat elektrovnnalaš áššiid dikšumii, ovdamearkka dihte Áela áššiid dikšunbálvalussii (suomagillii).

Bálvalandieđuid lassin Suomi.fi:s leat maid oahpisteaddji sisdoalut. Ulbmilin lea fállat dieđu bálvalusain geavaheaddji eallindilis, vaikkobe ealáhahkii báhcima, náitaleami dehe bearašlahtu jápmima, rájes. Boahtteáigge Suomi.fi:s sáhttá maid váldit vuostá eiseválddiid dieđuid elektrovnnalaččat ja fápmudit nuppi olbmo dikšut áššiid iežas beales.

Siiddut, mat laktásit fáddái